Pages

Thursday, September 4, 2014

ಮಂಜೂರು ಮಾಡಿದ ಸಾಲ ವಿತರಣೆಗೆ ನಿರಾಕರಿಸಿದ ಬ್ಯಾಂಕು..!

ಮಂಜೂರು ಮಾಡಿದ ಸಾಲ ವಿತರಣೆಗೆ ನಿರಾಕರಿಸಿದ ಬ್ಯಾಂಕು..!

ರೈತನಿಗೆ ಸಿಕ್ಕಿತು ನ್ಯಾಯ..


ಸಾಲ ಮಂಜೂರು ಮಾಡಿದ ಬಳಿಕ ಅದನ್ನು ವಿತರಿಸಬೇಕಾದ್ದು ಬ್ಯಾಂಕಿನ ಕರ್ತವ್ಯ. ಹಾಗೆ ವಿತರಿಸದೇ ಇದ್ದಲ್ಲಿ? ಅದು ತಪ್ಪಾಗುತ್ತದೆ. ಕರ್ತವ್ಯ ಲೋಪವೂ ಆಗುತ್ತದೆ. ಇಂತಹ ಲೋಪಕ್ಕಾಗಿ ಬ್ಯಾಂಕೊಂದನ್ನು ತರಾಟೆಗೆ ತೆಗೆದುಕೊಂಡ ರಾಷ್ಟ್ರೀಯ ಗ್ರಾಹಕ ನ್ಯಾಯಾಲಯವು ಸಾಲ ಮಂಜೂರಾಗಿದ್ದ ರೈತನಿಗೆ 4 ಲಕ್ಷ ರೂಪಾಯಿ ಸಾಲದ ಮೊತ್ತವನ್ನು ನೀಡುವುದರ ಜೊತೆಗೆ ಪರಿಹಾರ ಮತ್ತು ಖಟ್ಲೆ ವೆಚ್ಚವಾಗಿ 25,000 ರೂಪಾಯಿಗಳನ್ನು ನೀಡುವಂತೆ ಆದೇಶ  ನೀಡಿದ ಪ್ರಕರಣ ಇಲ್ಲಿದೆ.

ಹರ್ಯಾಣದ ರೈತ ಶಂಶೇರ್ ಸಿಂಗ್ ಯುಕೋ ಬ್ಯಾಂಕಿನಲ್ಲಿ ತನ್ನ ಜಮೀನು ಅಡವು ಇಟ್ಟು 4 ಲಕ್ಷ ರೂಪಾಯಿ ಸಾಲಕ್ಕೆ ಅರ್ಜಿ ಸಲ್ಲಿಸಿದ್ದರು. ದಾಖಲೆಗಳೆಲ್ಲವನ್ನೂ ಪರಿಶೀಲಿಸಿದ ಬ್ಯಾಂಕ್ ಕೋರಿದ ಸಾಲವನ್ನು ಮಂಜೂರು ಮಾಡಿತು.
ಅದರೆ ಆ ಬಳಿಕ ಜಮೀನು ತನ್ನ ವ್ಯಾಪ್ತಿಯಲ್ಲಿ ಇಲ್ಲ ಎಂಬ ಕಾರಣ ನೀಡಿ ಮಂಜೂರಾದ ಸಾಲವನ್ನು ವಿತರಿಸಲು ನಿರಾಕರಿಸಿತು.

ಸಿಂಗ್ ಜಿಲ್ಲಾ ಗ್ರಾಹಕ ನ್ಯಾಯಾಲಯದ ಮೊರೆ ಹೊಕ್ಕರು. ‘ನಾನು ಕಿಸಾನ್ ಕ್ರೆಡಿಟ್ ಕಾರ್ಡ್’ ಯೋಜನೆ ಅಡಿಯಲ್ಲಿ ಕೃಷಿ ಜಮೀನು ಅಡವು ಇಟ್ಟು 5 ಲಕ್ಷ ರೂಪಾಯಿ ಸಾಲಕ್ಕೆ ಅರ್ಜಿ ಸಲ್ಲಿಸಿದ್ದೆ. ಬ್ಯಾಂಕು 4 ಲಕ್ಷ ರೂಪಾಯಿ ಮಂಜೂರು ಮಾಡಿತು.
ಆದರೆ ಬಳಿಕ ಮಂಜೂರಾದ ಸಾಲ ವಿತರಿಸಲು ನಿರಾಕರಿಸಿತು’ ಎಂಬುದು ಸಿಂಗ್ ದೂರಿನ ಸಾರಾಂಶ.

 ಜಿಲ್ಲಾ ಗ್ರಾಹಕ ನ್ಯಾಯಾಲಯ ಸಿಂಗ್ ದೂರನ್ನು ಪುರಸ್ಕರಿಸಿ, ಮಂಜೂರು ಮಾಡಿದ  4 ಲಕ್ಷ ರೂಪಾಯಿ ಸಾಲವನ್ನು ವಿತರಿಸುವಂತೆ ನಿರ್ದೇಶಿಸಿತು.

ಯುಕೋ ಬ್ಯಾಂಕ್ ಈ ತೀರ್ಪಿನ ವಿರುದ್ಧ ಹರ್ಯಾಣ ರಾಜ್ಯ ಗ್ರಾಹಕ ನ್ಯಾಯಾಲಯಕ್ಕೆ ದೂರು ನೀಡಿತು. ರಾಜ್ಯ ಗ್ರಾಹಕ ನ್ಯಾಯಾಲಯ ಕೂಡಾ ಜಿಲ್ಲಾ ಗ್ರಾಹಕ ನ್ಯಾಯಾಲಯದ ತೀರ್ಪನ್ನು ಎತ್ತಿ ಹಿಡಿಯಿತು.

ಪಟ್ಟು ಬಿಡದ ಯುಕೋ ಬ್ಯಾಂಕ್ ತೀರ್ಪನ್ನು ಪುನರ್ ಪರಿಶೀಲಿಸುವಂತೆ ಕೋರಿ ರಾಷ್ಟ್ರೀಯ ಗ್ರಾಹಕ ನ್ಯಾಯಾಲಯದ (ಎನ್ ಸಿ ಡಿ ಆರ್ ಸಿ) ಮೆಟ್ಟಲೇರಿತು.

ಪ್ರಕರಣದ ವಿಚಾರಣೆ ನಡೆಸಿದ ರಾಷ್ಟ್ರೀಯ ಗ್ರಾಹಕ ನ್ಯಾಯಾಲಯವು ಬ್ಯಾಂಕಿನ ಪುನರ್ ಪರಿಶೀಲನಾ ಅರ್ಜಿಯನ್ನು ವಜಾ ಮಾಡಿ ಹರ್ಯಾಣ ರಾಜ್ಯ ಗ್ರಾಹಕ ನ್ಯಾಯಾಲಯದ ತೀರ್ಪನ್ನು ಎತ್ತಿ ಹಿಡಿಯಿತು.

‘ಸಾಲ ಮಂಜೂರು ಮಾಡುವ ಮುನ್ನ ಬ್ಯಾಂಕು ಸಿಂಗ್ ಅವರು ಸಲ್ಲಿಸಿದ್ದ ಎಲ್ಲಾ ದಾಖಲೆಗಳನ್ನೂ ಪರಿಶೀಲಿಸಿದ್ದರಿಂದ, ಆ ಬಳಿಕ ಸಾಲ ವಿತರಿಸಲು ನಿರಾಕರಿಸಿದ್ದು ಸಂಪೂರ್ಣವಾಗಿ ಅಸಮರ್ಥನೀಯ’ ಎಂದು ರಾಷ್ಟ್ರೀಯ ಗ್ರಾಹಕ ನ್ಯಾಯಾಲಯ ಸ್ಪಷ್ಟ ಪಡಿಸಿತು.

ಕೃಷಿ ಜಮೀನು ತನ್ನ ಶಾಖೆಯ ವ್ಯಾಪ್ತಿಯಲ್ಲಿ ಇಲ್ಲ ಎಂಬುದಾಗಿ ಬ್ಯಾಂಕು ಮುಂದಿಟ್ಟ ಕಾರಣವನ್ನು ವಿಶ್ಲೇಷಿಸಿದ ನ್ಯಾಯಮೂರ್ತಿ ವಿ.ಕೆ. ಜೈನ್ ಅವರ ಪೀಠವು, ‘ನಮ್ಮ ಅಭಿಪ್ರಾಯದಲ್ಲಿ ಅರ್ಜಿದಾರ ಬ್ಯಾಂಕ್ ಈ ವಿಚಾರವನ್ನು ಮೊದಲೇ ಪರಿಶೀಲಿಸಬೇಕಾಗಿತ್ತು. ಸಿಂಗ್ ಅವರು ತಮ್ಮ ಅರ್ಜಿಯ ಜೊತೆಗೆ ಜಮೀನಿಗೆ ಸಂಬಂಧಿಸಿದ ಎಲ್ಲಾ ದಾಖಲೆಗಳನ್ನೂ ಸಲ್ಲಿಸಿದ್ದರು’ ಎಂದು ಹೇಳಿತು.

ದೂರುದಾರರು ಸಲ್ಲಿಸಿದ ದಾಖಲೆಗಳ ಆಧಾರದಲ್ಲಿ ಸಾಲ ಮಂಜೂರು ಮಾಡಿದ ಬ್ಯಾಂಕು, ದೂರುದಾರರು ಪ್ರಮಾಣಪತ್ರದಲ್ಲಿ ಮಾಡಿದ ಘೋಷಣೆ ತಪ್ಪಾಗಿ ಕಂಡು ಬಂದಲ್ಲಿ ಇಲ್ಲವೇ ಅವರು ಸಲ್ಲಿಸಿದ ದಾಖಲೆಗಳು ನಕಲಿ ಎಂಬುದಾಗಿ  ಬಳಿಕ ಬಳಿಕ ದೃಢ ಪಡುವುದರ ಹೊರತಾಗಿ ಬೇರೆ ಯಾವುದೇ ಕಾರಣಕ್ಕೂ ಸಾಲ ವಿತರಣೆಗೆ ನಿರಾಕರಿಸುವುದು ಅಸರ್ಥನೀಯವಾಗುತ್ತದೆ ಎಂದು ನ್ಯಾಯಾಲಯ ಅಭಿಪ್ರಾಯ ಪಟ್ಟಿತು.

ಈ ಪ್ರಕರಣದಲ್ಲಿ ಸಿಂಗ್ ಅವರು ತಪ್ಪು ಪ್ರಮಾಣಪತ್ರವನ್ನು ನೀಡಿಲ್ಲ ಅಥವಾ ತಮ್ಮ ಜಮೀನಿಗೆ ಸಂಬಂಧಿಸಿದಂತೆ ನಕಲಿ ದಾಖಲೆಗಳನ್ನೂ ಹಾಜರು ಪಡಿಸಿಲ್ಲ. ಅರ್ಜಿದಾರ ಬ್ಯಾಂಕು ಸಂಬಂಧಪಟ್ಟ ಕೃಷಿ ಜಮೀನು ತನ್ನಶಾಖೆಯ ವ್ಯಾಪ್ತಿಗೆ ಬರುತ್ತಿಲ್ಲ ಎಂಬ ಏಕೈಕ ಕಾರಣ ನೀಡಿ ಮಂಜೂರು ಮಾಡಿದ ಸಾಲವನ್ನು ವಿತರಿಸಲು ನಿರಾಕರಿಸಿದ್ದು ಸರಿಯಲ್ಲ ಎಂದು ಪೀಠ ಹೇಳಿತು.

- ನೆತ್ರಕೆರೆ ಉದಯಶಂಕರ

Saturday, February 8, 2014

SC upholds as valid Majithia wage boards, awards


SC upholds as valid Majithia wage boards, awards

New Delhi, Feb 7:  In a morale booster for working journalists and newspaper employees, the Supreme Court Friday upheld the validity of the Majithia wage boards, observing their  recommendations for wage hike are based on genuine considerations. It also junked newspaper organisations' challenge to the constitutional validity of the working journalists and newspaper employees act.

Journalists Association of Karnataka (JAK) President Prof. Harischandra Bhat, in a statement hailed the Supreme Court Judgment and thanked all Journalist and Non-Journalist Employees Organisations like Bangalore News Paper Employees Union (BNEU), National Union Of Journalists (NUJ), Confederation of Newspaper Employees, PTI & UNI Employees Union etc. for striving hard unitedly for achieving this success .


National Union of Journalists (NUJ) president Uppala Laxman & Secretary General Prasanna Mohanty aslo hailed the Supreme Court Judgment.

Here are the reports from IANS & PTI regarding Supreme Court Verdict on Wage Board and reactions of JAK & Nation Union Of Journalists (JAK).

IANS Report:
 In a morale booster for working journalists and newspaper employees, the Supreme Court Friday upheld the validity of the Majithia wage boards, observing their  recommendations for wage hike are based on genuine considerations.

It also junked newspaper organisations' challenge to the constitutional validity of the working journalists and newspaper employees act.

Justice G.R. Majithia was appointed chairman of the two wage boards for journalists and non-journalists in 2009, and his recommendations wage hikes for both categoriers of newspapwer employees were notified by the government Nov 11, 2011.

A bench of Chief Justice P. Sathasivam, Justice Ranjan Gogoi and Justice Shiva Kirti Singh said: "Accordingly, we hold that the recommendations of the wage Boards are valid in law, based on genuine and acceptable considerations, and there is no valid ground for interference under Article 32 of the Constitution of India."

Upholding the validity of the Majithia wage boards, the court said: "The wages as revised/determined shall be payable from Nov 11, 2011, when the government notified the recommendations of the Majithia wage Boards."

"All the arrears up to March 2014 shall be paid to all eligible people in four equal instalments within a period of one year from today and continue to pay the revised wages from April 2014 onwards," the court said in its order.

Examining the challenge to the constitutional validity of the Working Journalist Act, Chief Justice Sathasivam, pronouncing the judgment, said the court was of the opinion that the challenge to the act "is wholly unfounded, baseless and completely untenable".

Addressing the contention by the newspaper organisations that the wage boards have not taken into account regional variations, the court said: "It is clear from the report that the wage Boards have categorized the HRA and transport allowance into X, Y and Z category regions, which reflects that the cost on accommodation and transport in different regions in the country was considered."

The court also rejected the newspaper organisations' objection to the appointment of former law secretary K.M.Sahni and journalist P.N.Prasanna Kumar as independent members of the board.

"Merely because K.M. Sahni was a part of the government that took the decision to set up the wage Boards, does not automatically follow that he ceased to be an 'independent' member of the wage Boards. We are satisfied that K.M. Sahni is an independent member of the Board and cannot be considered to be 'biased' in any manner."

"The contention of the petitioners alleging bias against independent members of the wage Boards, being based merely on their past status, is entirely baseless in law and amounts to imputing motives," the court concluded.

Furthermore, the court said that "there is gradation of variable pay and allowances according to the size of the establishments wherein smaller establishments are required to pay those at a lower rate compared to larger establishments".

"Hence, we are satisfied that the wage Boards followed certain well laid down principles and norms while making recommendations."

Rejecting the objections to the procedure followed by the wage boards, the court said: " Numerous such incidental contentions vis-a-vis procedure adopted by the wage Boards were alleged which, in our considered view, are not of such grave nature that it calls for withdrawing the recommendations of wage Boards."

"In this light, after having exhaustively gone through the record of proceedings and various written communications, we are fully satisfied that the wage Boards' proceedings had been conducted and carried out in a legitimate approach and no decision of the wage Board is perceived to having been taken unilaterally or arbitrarily."

It also described as "not correct" the newspapers' contention that the boards copied the Sixth Pay Commission blindly.

"The concept of 'variable pay' contained in the recommendations of the Sixth Central Pay Commission has been incorporated into the wage Board recommendations only to ensure that the wages of the newspaper employees are at par with those employees working in other government sectors."

"Such incorporation was made by the Majithia wage Board after careful consideration, in order to ensure equitable treatment to employees of newspaper establishments, and it was well within its rights to do so," said the court.

--Indo-Asian News Service


PTI Report: 
 The Supreme Court today upheld the recommendations of Majithia wage Board for journalists and non-journalists on their pay structure and directed that the revised salaries be granted to the employees.

A bench headed by Chief Justice P Sathasivam said that the revised pay structure should be given to the employees from November 11, 2011 when the Centre notified the recommendations of the Board.

It said that new pay structure would be given from April 2014 and the employer will have to pay arrears within a year in four instalments.

"We hold that the recommendations are valid," the bench said, adding that the Board had followed proper procedures in giving its recommendations and the allegations levelled against it and its constitution are not right.

The bench dismissed the pleas filed by various newspaper managements challenging the validity of the Board's constitution and its recommendations.

"We are fully satisfied that the procedure adopted by the Board is legitimate and no decision was taken unilaterally and arbitrarily and there is no irregularity in the procedure, the bench said.

The bench also said that the recommendations by the Board regarding variable pay is also within its jurisdiction.

"It cannot be held that wage structure is unreasonable," it said.

The court in January this year had reserved its verdict on the pleas of the newspapers.

The 6th (Majithia) wage Board was constituted by the Labour Ministry in 2007 despite strong reservations from the newspaper industry, and thereafter announced an adhoc interim relief of 30 per cent of basic pay with effect from January 2008. This was implemented by the industry despite the heavy financial burden.

The wage Board submitted its final recommendations on December 31, 2010, which were notified by the Centre with certain modifications, a year later on November 11, 2011. PTI 

JAK HAILS:
It is a great victory for Working Journalists and Non Journalist Employees of Newspapers. We must congratulate those journalist organizations who fought for justice and the role played by Journalists' Association of Karnataka, National Union of Journalists (India), Confederation of Newspaper Employees, Dr.N.K.Trikha, Shri Rajendra Prabhu, Com.M.C.Narasimhan for working day in and day out for the success. I wish to thank all those who helped me to present the Memorandum to the Jt.Majithia Wage Board during its sitting at Bengaluru namely, the DH&PV Employees Union, Newspaper Employees Union headed by Com.M.C.Narasimhan, Indian Express employees Union, UNI and PTI Unions.

While celebrating the success it would be our endeavour to see that all the Newspaper Employers to implement the recommendations of the Wage Board totally and completely.

I once again congratulate the members of JAK and BNEU for the success, delayed but not denied !
Sathyameva Jayathe !

- Prof.B.Harishchandra Bhat, President Journalists' Association of Karnataka

NUJ WELCOMES:
New Delhi: “The National Union of Journalists (India) hails the Supreme Court's decision rejecting the petitions of the newspaper managements on the Majithia Wage Board Recommendations and the Government’s subsequent notification on the issue of newspaper employees wage fixation. The Court has called for payment of wages of both journalist and non-journalist employees of newspaper establishments as per the new scales from November 2011 and implementation from April 2014.

The NUJ(I) welcomes this as a great victory of the newspaper employees, journalists and non-journalists together who fought the managements attempts to block the wage revision that came after 12 years in particular and working class in general at a time when the employers have been pressuring government to deny workers their due under the pretext of globalisation and liberalisation. The Government has also done the right thing to stand by justice to workers in notifying the Majithia Boards’ recommendations with minor modifications. The credit for the success in the case goes to the Confederation of All unions of the newspaper employees including the NUJ(I) under the leadership of the PTI Federation Secretary Mr. M.S. Yadav. 

The NUJ(I) considers this success as a challenge for the newspaper employees, more specifically working journalists to stand united and beat the managements’ attempts to impose an illegal contract system on them and also work together for the advancement of ethical journalism against attempts to dilute and disfigure it by various outside and inside forces.

Uppala Laxman                    Prasanna Mohanty
President                              Secretary General

Sunday, December 8, 2013

ಸಚ್ಚಿದಾನಂದ ನಗರ ಸಮಸ್ಯೆ: ಸುಪ್ರೀಂ ತೀರ್ಪಿನಂತೆ ಇತ್ಯರ್ಥ

ಸಚ್ಚಿದಾನಂದ ನಗರ ಸಮಸ್ಯೆ: ಸುಪ್ರೀಂ ತೀರ್ಪಿನಂತೆ ಇತ್ಯರ್ಥ
ಬಿಬಿಎಂಪಿ ಕಮೀಷನರ್ ಪ್ರಕಟಣೆ















ಬೆಂಗಳೂರು:
ನಗರದ ರಾಜ ರಾಜೇಶ್ವರಿ ನಗರ ವ್ಯಾಪ್ತಿಯಲ್ಲಿರುವ ಸಚ್ಚಿದಾನಂದ ನಗರ ಬಡಾವಣೆಯ ನಿವೇಶನದಾರರಿಗೆ ಖಾತೆ, ಕಟ್ಟಡ ನಕ್ಷೆ ಹಾಗೂ ಸವಲತ್ತು ನೀಡಿಕೆಗೆ ಸಂಬಂಧಿಸಿದಂತೆ ಸುಪ್ರೀಂಕೋರ್ಟ್ ನೀಡಿದ ತೀರ್ಪನ್ನು ಪಾಲಿಸುವ ಮೂಲಕ  ಸಮಸ್ಯೆ ಬಗೆಹರಿಸುವುದಾಗಿ ಬಿಬಿಎಂಪಿ ಕಮೀಷನರ್  ಎಂ. ಲಕ್ಷ್ಮೀನಾರಾಯಣ ಅವರು ಶನಿವಾರ ಪ್ರಕಟಿಸಿದ್ದಾರೆ.

ಬಿಬಿಎಂಪಿ ರಾಜರಾಜೇಶ್ವರಿ ನಗರ ವಲಯ ಕಚೇರಿಯಲ್ಲಿ ನಡೆದ ರಾಜರಾಜೇಶ್ವರಿ ನಗರ ವಿಧಾನಸಭಾ ಕ್ಷೇತ್ರದ ಅಧಿಕಾರಿಗಳ ಸಭೆಯಲ್ಲಿ ಬೆಂಗಳೂರು ಉಸ್ತುವಾರಿ ಸಚಿವ ರಾಮಲಿಂಗಾರೆಡ್ಡಿ, ಮೇಯರ್ ಬಿ.ಎಸ್. ಸತ್ಯ ನಾರಾಯಣ ಅವರೂ ಹಾಜರಿದ್ದ ಸಭೆಯಲ್ಲಿ ಕ್ಷೇತ್ರದ ಶಾಸಕ ಮುನಿರತ್ನ ಅವರು ಸಚ್ಚಿದಾನಂದ ನಗರ ಸಮಸ್ಯೆ ಬಗ್ಗೆ ಪ್ರಸ್ತಾಪಿಸಿದಾಗ ಕಮೀಷನರ್ ಅವರು ಈ ಘೋಷಣೆ ಮಾಡಿರುವುದಾಗಿ ಬಿಬಿಎಂಪಿ ಮೂಲಗಳು ತಿಳಿಸಿವೆ.

ಸಭೆಯಲ್ಲಿ ಬಡಾವಣೆಯ ಸಮಸ್ಯೆ ಬಗ್ಗೆ ಪ್ರಸ್ತಾಪಿಸಿದ ಶಾಸಕರು ಸುಪ್ರೀಂಕೋರ್ಟ್ ತೀರ್ಪು ನಿವೇಶನದಾರರ ಪರವಾಗಿದ್ದರೂ ಅಧಿಕಾರಿಗಳು ಸಮಸ್ಯೆ ನಿವಾರಿಸದೆ ಸತಾಯಿಸುತ್ತಿದ್ದಾರೆ ಎಂದಾಗ ಕಮೀಷನರ್, ಮೇಯರ್ ಹಾಗೂ ಸಚಿವರು ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡು ಸಮಸ್ಯೆ ನಿವಾರಿಸುವ ಭರವಸೆ ನೀಡಿದರು ಎಂದು ಮೂಲಗಳು ತಿಳಿಸಿವೆ.

ಸಭೆಯಲ್ಲಿ ಹಾಜರಿದ್ದ ಸಚ್ಚಿದಾನಂದ ನಗರ ನ್ಯಾಯಪರ ಆಂದೋಲನದ ಸದಸ್ಯರೂ ಸಭೆಯಲ್ಲಿ ಸುಪ್ರೀಂಕೋರ್ಟ್ ತೀರ್ಪಿನ ಪ್ರತಿಗಳನ್ನು ಸಚಿವರು, ಮೇಯರ್ ಹಾಗೂ ಕಮೀಷನರ್ ಇತರರ ಗಮನಕ್ಕೆ ತಂದರು. ಬಡಾವಣೆಯ ಶಾಸನಬದ್ಧತೆಯನ್ನು ಎತ್ತಿ ಹಿಡಿದು ಖಾತೆ, ಕಟ್ಟಡನಕ್ಷೆ, ಸವಲತ್ತುಗಳನ್ನು ನೀಡುವಂತೆ ಆಜ್ಞಾಪಿಸಿದ್ದ ಸಿವಿಲ್ ನ್ಯಾಯಾಲಯದ ತೀರ್ಪನ್ನು ಪ್ರಶ್ನಿಸಿ ಸಲ್ಲಿಸಲಾಗಿದ್ದ ಮೇಲ್ಮನವಿಗಳನ್ನು ಹೈಕೋರ್ಟ್ ಮತ್ತು ಸುಪ್ರೀಂಕೋರ್ಟ್ ವಜಾ ಮಾಡಿದ್ದವು. ಹೀಗಾಗಿ ಸಿವಿಲ್ ಕೋರ್ಟ್ ತೀರ್ಪು ಅಂತಿಮಗೊಂಡಿತ್ತು.

Monday, August 5, 2013

MLA Muniratna promises to remove all BBMP hurdles in Sachidananda Nagara Lay Out, without bribery

MLA Muniratna promises to remove all BBMP hurdles in Sachidananda Nagara Lay Out, without bribery


Banglare: Rajarajeshwari Nagar MLA, Mr. Muniratna met with more than 400 site owners and home owners of the Sachidananda Nagara Lay Out in Rajarajeshwari Nagara , on Sunday (4th August 2013) morning. The meeting was arranged by Sachidnanada Nagara Nyayapara Andolana, (SNNA) , a registered Society, that is fighting for Khatas, Building plans and all lay out facilities without paying a single paisa of bribe to any of the public officials.

SNNA movement was started almost three years ago by a group determined site owners who opposed paying bribes, and got the Khatas and all other statutory papers from BBMP thru Lokayukta, RTI and Gandhigiri.  However, this successful movement was hindered by inappropriate interference by the former MLA from Rajarajeshwari Nagar and former Mayor of Bangalore and few BBMP Officials.

Dr. Shankara Prasad, one of the members of the SNNA movement explained, to Mr. Muniratna,  how BBMP officials avoided implementing Supreme Court order and Lokayukta order; and how BBMP officials even stopped electricity supply from BESCOM and threatened to stop BWSSB water supply. Dr. Prasad also appraised, how the local Welfare Association was acting like a conduit for collecting bribe money to pay politicians and bureaucrats.

Nethrakere Udaya Shankara Bhat, one of the key forces behind the SNNA movement gave a five point program for implementation by the new MLA, Mr. Muniratna. He requested that immediate action is required in the following areas.

BBMP to Issue khatas and building plans to all site owners of layout who have not yet got them.
Provide for reliable BWSSB water supply
Make sure BESCOM does not threaten any lay out residents.
Stop all land mafia activities in the lay out.
Provide police protection for safe living in the lay out.

MLA Muniratna, spoke to the large audience and assured that he will speak and write to BBMP Joint Commissioner, BESCOM Chief Engineer, BWSSB authorities and the police and resolve most of the issues in the next few weeks.

Muniratna also commented on the apathy of citizens in not removing non-performing elected officials, and gave the example of how Rajarajeshwari Nagar, ward 160 had voted for BJP candidate in large numbers in spite of poor performance. MLA spoke about his humble beginnings as an idli seller in Malleswaram, and his “corruption free” approach in public life.  Muniratna explained that his main motive for being in politics is to do “seva” to people.

And he also appreciated the way SNNA is forthcoming in publicly discussing the issue of corruption, as well as taking remedial measures.

SNNA members appreciated the hopeful message of MLA, and are eagerly waiting to see the outcome of his promises.

ಸವಲತ್ತಿಗೆ ಅಡಚಣೆ ಭ್ರಷ್ಟಾಚಾರ ರಹಿತವಾಗಿಯೇ ನಿವಾರಣೆ: ಮುನಿರತ್ನ ಭರವಸೆ

ಸವಲತ್ತಿಗೆ ಅಡಚಣೆ ಭ್ರಷ್ಟಾಚಾರ ರಹಿತವಾಗಿಯೇ ನಿವಾರಣೆ: ಮುನಿರತ್ನ ಭರವಸೆ


ಬೆಂಗಳೂರು: ರಾಜರಾಜೇಶ್ವರಿ ನಗರದ ಸಚ್ಚಿದಾನಂದ ನಗರ ಬಡಾವಣೆಯ ಜನತೆಗೆ ನ್ಯಾಯೋಚಿತ ಸವಲತ್ತು ಪಡೆಯುವಲ್ಲಿ ಬಿಬಿಎಂಪಿ ಮತ್ತು ಇತರ ಅಡಳಿತಶಾಹಿಯಿಂದ ಆಗುತ್ತಿರುವ ಎಲ್ಲ ಅಡಚಣೆಗಳನ್ನು ಭ್ರಷ್ಟಾಚಾರ ರಹಿತವಾಗಿಯೇ ನಿವಾರಿಸಿಕೊಡುವುದಾಗಿ ಶಾಸಕ ಮುನಿರತ್ನ ಭಾನುವಾರ (04-08-2013) ಇಲ್ಲಿ ಭರವಸೆ ನೀಡಿದರು.

ಸಚ್ಚಿದಾನಂದ ನಗರ ಬಡಾವಣೆಯಲ್ಲಿ ಭ್ರಷ್ಟಾಚಾರ ಮುಕ್ತವಾಗಿ ಖಾತೆ, ಕಟ್ಟಡ ನಕ್ಷೆ ಹಾಗೂ ಇತರ ಸವಲತ್ತುಗಳಿಗಾಗಿ ಹೋರಾಟ ನಡೆಸುತ್ತಿರುವ ಸಚ್ಚಿದಾನಂದ ನಗರ ನ್ಯಾಯಪರ ಆಂದೋಲನ (ನೋಂದಾಯಿತ) `ಎಸ್ ಎನ್ ಎನ್ ಎ' ಸಂಘಟಿಸಿದ್ದ ಕಾರ‌್ಯಕ್ರಮದಲ್ಲಿ ಬಡಾವಣೆಯ ಸುಮಾರು 400ಕ್ಕೂ ಹೆಚ್ಚು ನಿವೇಶನದಾರರು ಹಾಗೂ ನಿವಾಸಿಗಳನ್ನು ಉದ್ದೇಶಿಸಿ ಅವರು ಮಾತನಾಡುತ್ತಿದ್ದರು.

ಬಿಬಿಎಂಪಿ ಅಡಿಷನಲ್ ಕಮೀಷನರ್, ಬೆಸ್ಕಾಂ ಮುಖ್ಯ ಎಂಜಿನಿಯರ್, ಜಲಮಂಡಳಿ ಅಧಿಕಾರಿಗಳು ಮತ್ತು ಪೊಲೀಸರ ಜೊತೆ ಮಾತನಾಡುವುದರ ಜೊತೆಗೆ ಅಗತ್ಯ ಪತ್ರ ಬರೆಯುವ ಮೂಲಕ ಸಮಸ್ಯೆಗಳನ್ನು ಬಗೆ ಹರಿಸಿಕೊಡುವುದಾಗಿ ಶಾಸಕರು ಭರವಸೆ ನೀಡಿದರು.


ಕೆಲಸ ಮಾಡದ ಜನಪ್ರತಿನಿಧಿಗಳನ್ನು ಬದಲಾಯಿಸುವ ನಿಟ್ಟಿನಲ್ಲಿ ನಾಗರಿಕರು ತೋರುತ್ತಿರುವ ಅಸಡ್ಡೆ ಬಗ್ಗೆ ಖೇದ ವ್ಯಕ್ತ ಪಡಿಸಿದ ಅವರು, ರಾಜರಾಜೇಶ್ವರಿ ನಗರ- 160ನೇ ವಾರ್ಡಿನಲ್ಲಿ ಮತದಾರರು ಹೇಗೆ ಕೆಲಸ ಮಾಡದ ಬಿಜೆಪಿ ಅಭ್ಯರ್ಥಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ಮತ ನೀಡಿದರು ಎಂದು ಅಂಕಿ ಅಂಶಗಳ ಸಹಿತ ವಿವರಿಸಿದರು.

ಮಲ್ಲೇಶ್ವರದಲ್ಲಿ ತಾವು ಇಡ್ಲಿ ಮಾರುವ ಹುಡುಗನಾಗಿ ಹೇಗೆ ಅತ್ಯಂತ ಬಡತನದ ಜೀವನ ಆರಂಭಿಸಿದೆ ಎಂಬುದನ್ನು ವಿವರಿಸಿದ ಅವರು ಸಾರ್ವಜನಿಕ ಬದುಕಿನಲ್ಲಿ ಭ್ರಷ್ಟಾಚಾರ ಮುಕ್ತ ವ್ಯವಹಾರ ಇಟ್ಟುಕೊಂಡಿರುವುದಾಗಿ ಹೇಳಿದರು. ರಾಜಕಾರಣಕ್ಕೆ ಬಂದ ತಮ್ಮ ಮುಖ್ಯ ಉದ್ದೇಶ ಜನಸೇವೆ ಎಂದು ಹೇಳಿದ ಅವರು ಭ್ರಷ್ಟಾಚಾರದ ವಿರುದ್ಧ ಬಹಿರಂಗವಾಗಿ ಹೋರಾಟಕ್ಕೆ ಇಳಿದ ಆಂದೋಲನವನ್ನು ಶ್ಲಾಘಿಸಿದರು.


ಎಸ್ ಎನ್ ಎನ್ ಎ ಚಳವಳಿಯ ಸಕ್ರಿಯ ಸದಸ್ಯರಲ್ಲಿ ಒಬ್ಬರಾದ ಡಾ.ಶಂಕರ ಪ್ರಸಾದ್ ಅವರು ಸುಪ್ರೀಂಕೋರ್ಟ್ ಆದೇಶ ಮತ್ತು ಲೋಕಾಯುಕ್ತ ನಿರ್ದೇಶನಕ್ಕೆ ವಿರುದ್ಧವಾಗಿ ಬಿಬಿಎಂಪಿ ಅಧಿಕಾರಿಗಳು ವರ್ತಿಸುತ್ತಿರುವ ವಿಧಾನವನ್ನು ವಿವರಿಸಿದರು.

ಮೂಲಭೂತ ಅಗತ್ಯಗಳಾದ ನೀರು ಮತ್ತು ವಿದ್ಯುತ್ ಸರಬರಾಜಿಗೆ ಧಕ್ಕೆ ಉಂಟು ಮಾಡುವ ಬೆದರಿಕೆ ಹಾಕಿದ್ದನ್ನೂ ಅವರು ದಾಖಲೆ ಸಹಿತ ವಿವರಿಸಿದರು. ಸ್ಥಳೀಯ ಕ್ಷೇಮಾಭಿವೃದ್ಧಿ ಸಂಘವು ಭ್ರಷ್ಟಾಚಾರದ ಚಟುವಟಕೆಗಳಿಗೆ ಮಧ್ಯವರ್ತಿಯಾಗಿ ವ್ಯವಹರಿಸಿದ ಬಗೆಯನ್ನೂ ಅವರು ಬಿಚ್ಚಿಟ್ಟರು.

 ಮತ್ತೊಬ್ಬ ಸಕ್ರಿಯ ಸದಸ್ಯ ನೆತ್ರಕೆರೆ ಉದಯಶಂಕರ ಭಟ್ ಅವರು ಬಡಾವಣೆಯಲ್ಲಿ ಜಾರಿಯಾಗಬೇಕಾದ ಅಗತ್ಯ ಸವಲತ್ತು ಗಳಿಗೆ ಸಂಬಂಧಿಸಿದಂತೆ ಐದಂಶದ ಕಾರ‌್ಯಕ್ರಮವನ್ನು ಮುಂದಿಟ್ಟರು.

ಬಿಬಿಎಂಪಿ ಖಾತೆ, ಕಟ್ಟಡ ನಕ್ಷೆ ವಿತರಣೆಯ ಪುನರಾರಂಭ, ಜಲಮಂಡಳಿ ಮೂಲಕ ಸಮರ್ಪಕ ನೀರು ಪೂರೈಕೆ, ಬೆಸ್ಕಾಂ ಮೂಲಕ ವಿದ್ಯುತ್ ಸರಬರಾಜು, ಬಡಾವಣೆಯಲ್ಲಿ ಎಲ್ಲ ರೀತಿಯ ಭೂ ಮಾಫಿಯಾ ಚಟುವಟಿಕೆಗಳನ್ನು ಸ್ಥಗಿತಗೊಳಿಸುವುದು, ನಿವೇಶನದಾರರು, ನಿವಾಸಿಗಳಿಗೆ ಪೊಲೀಸ್ ರಕ್ಷಣೆ ಒದಗಿಸುವುದು ಇವು ಅಗತ್ಯವಾಗಿ ಆಗಬೇಕಾದ ತುರ್ತು ಕಾರ‌್ಯಕ್ರಮಗಳು ಎಂದು ಅವರು ಹೇಳಿದರು.

ಎಸ್ ಎನ್ ಎನ್ ಎ ಚಳವಳಿಯು ಸುಮಾರು ಮೂರು ವರ್ಷಗಳಿಂದ ಬಿಬಿಎಂಪಿ ಖಾತೆ, ಕಟ್ಟಡ ನಕ್ಷೆ ಮತ್ತು ಇತರ ನಾಗರಿಕ ಸವಲತ್ತುಗಳನ್ನು ಲಂಚಮುಕ್ತವಾಗಿ ಪಡೆದುಕೊಳ್ಳುವ ಸಲುವಾಗಿ ಆರಂಭವಾಗಿದ್ದು, ಲೋಕಾಯುಕ್ತ, ಆರ್ ಟಿ ಐ ಮತ್ತು ಗಾಂಧಿಗಿರಿ ಮಾರ್ಗಗಳ ಮೂಲಕವಾಗಿ ತನ್ನ ಹೋರಾಟ ನಡೆಸುತ್ತಾ ಬಂದಿದೆ.  ರಾಜರಾಜೇಶ್ವರಿ ನಗರದ ಮಾಜಿ ಶಾಸಕ ಹಾಗೂ ಬಿಬಿಎಂಪಿಯ ಮಾಜಿ ಮೇಯರ್ ಮತ್ತು ಕೆಲವು ಅಧಿಕಾರಿಗಳ ಹಸ್ತಕ್ಷೇಪದಿಂದಾಗಿ ಈ ಸವಲತ್ತು ಗಳಿಕೆಗೆ  ಅಡ್ಡಿಯುಂಟಾಗಿತ್ತು.

Wednesday, January 30, 2013

ಬೆಟ್ಟ ಮಹಮ್ಮದನ ಬಳಿಗೆ ಬಾರದಿದ್ದರೆ....

ಬೆಟ್ಟ ಮಹಮ್ಮದನ ಬಳಿಗೆ ಬಾರದಿದ್ದರೆ....

ಲಕ್ಷ್ಮೀಶ ತೋಳ್ಪಾಡಿ ಅವರ ಚಿಂತನೆಯ ಧಾರೆಯಲ್ಲಿ ನಾನು ಮುಳುಗಿ ಎದ್ದಿದ್ದುದು 1975-76ರಲ್ಲಿ-  ತುರ್ತು ಪರಿಸ್ಥಿತಿಯ ಸಂದರ್ಭದಲ್ಲಿ  ಸೆರೆವಾಸಿಯಾಗಿದ್ದಾಗ. ಮಂಗಳೂರು ಸಬ್ ಜೈಲಿನಲ್ಲಿ. ಸೆರೆಮನೆಯನ್ನೇ ಅರಮನೆಯನ್ನಾಗಿಸಿ ಚಿಂತನೆಯ ಹೊಳೆ ಹರಿಸಿದ್ದ ತೋಳ್ಪಾಡಿ ಮತ್ತು ವಿಶ್ವೇಶ್ವರ ಭಟ್ಟರು, ತುರ್ತು ಪರಿಸ್ಥಿತಿ ವಿರೋಧಿಸಿ ಸೆರೆಮನೆ ಸೇರಿದ್ದ ನೂರಾರು ಮಂದಿ ಸತ್ಯಾಗ್ರಹಿಗಳಿಗೆ ನಿತ್ಯ ಭಗವದ್ಗೀತೆಯ ಕುರಿತು ವ್ಯಾಖ್ಯಾನ ಮಾಡುತ್ತಿದ್ದುದು ನೆನಪಿನಿಂದ ಅಳಿಯುವಂತಹುದಲ್ಲ.


ಆ ಬಳಿಕ ಒಮ್ಮೆ ಪುತ್ತೂರಿಗೆ ಹೋಗಿದ್ದಾಗ ಪುತ್ತೂರಜ್ಜನ ಆಶ್ರಮದಲ್ಲಿ ಸಿಕ್ಕಿದ್ದರು. ಊರಿಗೆ ಬಂದ ಗುರುವಿನ ಜ್ಞಾನದ ಬಗ್ಗೆ ಮಾತನಾಡುವ ಬದಲು  ಬಹಳಷ್ಟು ಮಂದಿ ಉದ್ದಕ್ಕೆ ಬೆಳೆದ ಗುರುವಿನ 'ಉಗುರು' ಬಗ್ಗೆ ಯೋಚಿಸುವ ಬಗೆಯನ್ನು ಸ್ವಾರಸ್ಯಕರವಾಗಿ ವಿವರಿಸಿದ್ದರು.


ಪುತ್ತೂರಜ್ಜನ ಚಿಂತನೆಗಳ ಬಗ್ಗೆ ಬರೆದ ಬರವಣಿಗೆಗಳ ಪುಸ್ತಕ 'ಬೆಟ್ಟ ಮಹಮ್ಮದನ ಬಳಿಗೆ ಬಾರದಿದ್ದರೆ..' ಇದೀಗ ಬಿಡುಗಡೆ'ಯಾಗುತ್ತಿದೆ. ಪ್ರಜಾವಾಣಿ ಮೆಟ್ರೊ ಗಮನಿಸಿ.


ಕಾರ್ಯಕ್ರಮ ಯಶಸ್ವಿಯಾಗಲಿ ಎಂದು ಹಾರೈಸುವೆ.

- ನೆತ್ರಕೆರೆ ಉದಯಶಂಕರ

Saturday, January 26, 2013

ವಿಟ್ಲ ಪಂಚಲಿಂಗೇಶ್ವರ ಬ್ರಹ್ಮಕಲಶೋತ್ಸವ: ಇಲ್ಲಿದೆ ’ಚಿತ್ರ ಸಂತರ್ಪಣೆ...’


ವಿಟ್ಲ ಪಂಚಲಿಂಗೇಶ್ವರ ಬ್ರಹ್ಮಕಲಶೋತ್ಸವ:

ಇಲ್ಲಿದೆ ’ಚಿತ್ರ ಸಂತರ್ಪಣೆ...’

ವಿಟ್ಲದ ಮಹತೋಭಾರ ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನದ ಬ್ರಹ್ಮಕಲಶೋತ್ಸವ ಸಮಾರಂಭವು ೨೦೧೩ರ ಜನವರಿ ೨೧ರ ಸೋಮವಾರ ಬೆಳಗ್ಗೆ ಸಂಭ್ರಮೋತ್ಸಾಹದೊಂದಿಗೆ ನೆರವೇರಿತು
.ಅದಕ್ಕೂ ಮುನ್ನ ಜನವರಿ ೧೮ರ ಶುಕ್ರವಾರ ಮರು ನಿರ್ಮಾಣಗೊಂಡ ದೇವಸ್ಥಾನದಲ್ಲಿ ಶ್ರೀ ಪಂಚಲಿಂಗೇಶ್ವರನ ಪುನರ್ ಪ್ರತಿಷ್ಠಾ ಕಾರ‍್ಯ ನಡೆಯಿತು.ಜನವರಿ ೯ರಿಂದ ೨೧ರವರೆಗೆ ನಡೆದ ಈ ಕಾರ‍್ಯಕ್ರಮದಲ್ಲಿ ಲಕ್ಷಾಂತರ ಜನ ಪಾಲ್ಗೊಂಡು ಬ್ರಹ್ಮಕಲಶೋತ್ಸವದ ಸಡಗರವನ್ನು ಕಣ್ತುಂಬಿಕೊಂಡರು.
ಪ್ರತಿದಿನ ಪ್ರತಿಹೊತ್ತು ಸುಮಾರು ೨೦ ಸಾಇರದಿಂದ ೩೦ ಸಾವಿರದವರೆಗೆ ಭಕ್ತರು ಯಾವುದೇ ರೀತಿಯ ಗೊಂದಲಗಳಿಲ್ಲದೆ ಅತ್ಯಂತ ಸಾಮರಸ್ಯದೊಂದಿಗೆ ದೇವರ ಪ್ರಸಾದ ಸವಿದರುಈ ಅವಧಿಯಲ್ಲಿ ಪ್ರಸಾದ ಉಂಡವರ ಸಂಖ್ಯೆ ಒಟ್ಟು ೩ ಲಕ್ಷವನ್ನೂ ಮೀರಿದೆ ಎಂಬುದು ಸಂಘಟಕರ ಹೇಳಿಕೆ.ಜನವರಿ ೨೧ರಂದು ಬ್ರಹ್ಮಕಲಶೋತ್ಸವ ಹಾಗೂ ಪಂಚಯತಿಗಳ ಆಶೀರ‍್ವಚನದ ಬಳಿಕ ನೂತನ ಧ್ವಜಸ್ಥಂಭದಲ್ಲಿ ಗರುಡನನ್ನು ಏರಿಸುವುದರೊಂದಿಗೆ ಧ್ವಜಾರೋಹಣವಾಗಿ ವರ್ಷಾವಧಿ ಜಾತ್ರೆಯ ಸಂಭ್ರಮ ಆರಂಭವಾಯಿತು
ಜನವರಿ ೨೮ರಂದು ರಥೋತ್ಸವ ಜರುಗಲಿದ್ದುಜನವರಿ ೩೦ರ ಮುಂಜಾನೆ ಧ್ವಜಾವತರಣದೊಂದಿಗೆ ಜನವರಿ ೯ರಂದು ಆರಂಭಗೊಂಡ ಈ ಸಡಗರ ಮುಕ್ತಾಯಗೊಳ್ಳುವುದು
.
ಬ್ರಹ್ಮಕಲಶೋತ್ಸವದ ಇನ್ನೊಂದಷ್ಟು ಚಿತ್ರಗಳು ಇಲ್ಲಿವೆ.
-
ನೆತ್ರಕೆರೆಉದಯಶಂಕರ
ಚಿತ್ರಗಳು
ಸದಾಶಿವ ಬನ, ’ಶಿಲ್ಪಿ’ ವಿಟ್ಲ

















Thursday, January 24, 2013

ವಿಟ್ಲ ಪಂಚಲಿಂಗೇಶ್ವರನಿಗೆ ಮರುಹುಟ್ಟು ಸಂಭ್ರಮ

ವಿಟ್ಲ ಪಂಚಲಿಂಗೇಶ್ವರನಿಗೆ ಮರುಹುಟ್ಟು ಸಂಭ್ರಮ


ಒಂದೆರಡಲ್ಲ
, ಬರೋಬ್ಬರಿ 4750 ಚದರ ಅಡಿ ವ್ಯಾಪ್ತಿಯ ವಿಸ್ತಾರವಾದ ಅಡಿಪಾಯ. 67 ಅಡಿ ಎತ್ತರದ ಮೂರು ಅಂತಸ್ತುಗಳ ಇಳಿಜಾರು ಛಾವಣಿ. ಛಾವಣಿಗಳಿಗೆ ತಾಮ್ರದ ಹೊದಿಕೆ. 1.20 ಕೋಟಿ ರೂಪಾಯಿ ವೆಚ್ಚದಲ್ಲಿ ಧರ್ಮಸ್ಥಳದಿಂದ ಕೊಡುಗೆಯಾಗಿ ಬಂದ ಮೂರು ಸ್ವರ್ಣ ಲೇಪಿತ ಕಳಸಗಳು.

ಇದು ಮರುಹುಟ್ಟು ಪಡೆದು ಭವ್ಯವಾಗಿ ತಲೆ ಎತ್ತಿ ನಿಂತಿರುವ ವಿಟ್ಲ ಪಂಚಲಿಂಗೇಶ್ವರ ದೇವಸ್ಥಾನದ ವಿಹಂಗಮ ನೋಟ.

ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿಯೇ ಅತ್ಯಂತ ದೊಡ್ಡದೆಂದು ಬಣ್ಣಿಸಲಾದ ವಿಟ್ಲದ ಈ ಪಂಚಲಿಂಗೇಶ್ವರ ದೇವಾಲಯಲ್ಲಿ ಇದೀಗ ಸಡಗರವೇ ಸಡಗರ
. ಗ್ರಾಮದ ಪ್ರಮುಖ ರಸ್ತೆಗಳು, ರಥ ಎಳೆಯುವ ಗದ್ದೆ, ದೇವಾಲಯದ ಆವರಣ ಸೇರಿದಂತೆ ಎಲ್ಲ ಕಡೆ ಚಪ್ಪರ, ತಳಿರು ತೋರಣದ ಶೃಂಗಾರ. ಮಕ್ಕಳಿಂದ ಹಿಡಿದು ವೃದ್ಧರವರೆಗೆ ತಂಡೋಪತಂಡವಾಗಿ ಸ್ವಯಂ ಸೇವಕರಾಗಿ ಪಂಚಲಿಂಗೇಶ್ವರನ ಸೇವಾ ಕೈಂಕರ್ಯ ನಡೆಸುತ್ತಿರುವ ಜನರ ದಂಡು. ಸಹಸ್ರಾರು ಮಂದಿಗೆ ಪ್ರತಿನಿತ್ಯ ಅನ್ನದಾನ. ದೇವಾಲಯದ ಆವರಣದಲ್ಲೆಲ್ಲಾ ಭಕ್ತಾದಿಗಳಿಂದ ಬಂದ ಲೋಡುಗಟ್ಟಲೆ ಹೊರೆ ಕಾಣಿಕೆಯ ರಾಶಿ.
2001ರಲ್ಲಿ ಕಂಡ ಜೀರ್ಣೋದ್ಧಾರದ ಕನಸು 2013ರಲ್ಲಿ ನನಸಾಗುವ ವೇಳೆಗೆ ಆಗಿದ್ದುದು ಕೇವಲ ಜೀರ್ಣೋದ್ಧಾರವಲ್ಲ, ಬದಲಿಗೆ ದೇಗುಲದ ಸಂಪೂರ್ಣ ಪುನರ್ ನಿರ್ಮಾಣ. ಸಂಪೂರ್ಣ ಮಣ್ಣಿನಿಂದ ನಿರ್ಮಾಣವಾಗಿದ್ದ ದೇವಾಲಯ ಈಗ ಭವ್ಯವಾದ ಶಿಲಾಮಯ ದೇವಸ್ಥಾನವಾಗಿ ಎದ್ದು ನಿಂತಿದೆ.

ಇಡೀ ಗ್ರಾಮ ಈಗ
(ಜನವರಿ 9ರಿಂದ 21ರವರೆಗೆ) 13 ದಿನಗಳ ಕಾಲ ಪುನರ್ ನಿರ್ಮಾಣಗೊಂಡ ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನ ಸಮರ್ಪಣೆ, ಪುನಃ ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶಾಭಿಷೇಕೋತ್ಸವ ಸಮಾರಂಭ, ನಂತರ ಜನವರಿ 21ರಿಂದ 29ರವರೆಗೆ 9 ದಿನ ಮರು ಸಮರ್ಪಿತ ದೇಗಲದಲ್ಲಿ `ವಿಟ್ಲಾಯನ' ಎಂದೇ ಖ್ಯಾತಿ ಪಡೆದ ವರ್ಷಾವಧಿ ಜಾತ್ರೆ - ಹೀಗೆ 22 ದಿನಗಳ ಕಾಲ ಮಹಾ ಉತ್ಸವದ ಸಡಗರದಲ್ಲಿ ತೇಲುತ್ತಿದೆ. ಧರ್ಮಸ್ಥಳದ ನಡಾವಳಿಯ ಸಂಭ್ರಮವನ್ನು ನೆನಪಿಗೆ ತರುತ್ತಿದೆ. ಪ್ರತಿನಿತ್ಯ ಸಹಸ್ರಾರು ಮಂದಿಗೆ ಅನ್ನದಾನ, ಧಾರ್ಮಿಕ ವಿಧಿಗಳು, ಸಾಂಸ್ಕೃತಿಕ, ಮನರಂಜನಾ ಕಾರ‌್ಯಕ್ರಮಗಳು, ಯಕ್ಷಗಾನ, ನೃತ್ಯ, ನಾಟಕ ಸಂಗೀತದಲ್ಲಿ ಪ್ರತಿದಿನವೂ ಮಿಂದೇಳುತ್ತಿದ್ದಾರೆ.
ಅತ್ಯಂತ ಪುರಾತನವಾದ ಈ ಪಂಚಲಿಂಗೇಶ್ವರ ದೇವಸ್ಥಾನ ಪಾಂಡವ ನಿರ್ಮಿತ ದೇವಸ್ಥಾನ ಎಂದೇ ಪ್ರತೀತಿ. ಪಾಂಡವರು ಅರಗಿನ ಅರಮನೆಯಿಂದ ಪಾರಾದ ಬಳಿಕ ಕೆಲಕಾಲ ವಾಸವಿದ್ದ ಏಕಚಕ್ರ ನಗರವೇ ಈಗಿನ ವಿಟ್ಲ ಎಂಬ ನಂಬಿಕೆ ಇದೆ. ಭೀಮ ಬಕಾಸುರನನ್ನು ಕೊಂದದ್ದು ಇಲ್ಲಿಯೇ ಎಂದು ಹೇಳುವ ಜನ ಅದಕ್ಕೆ ಸಾಕ್ಷಿ ಎಂಬಂತೆ ದೇವಸ್ಥಾನದ ಆವರಣದಲ್ಲೇ ಕುಂತಿ ಮನೆ, ದೇವಾಲಯದಲ್ಲಿ ಕುಂತೀಶ್ವರ ಗುಡಿ, ಬಕಾಸುರ ವಾಸವಾಗಿದ್ದನೆನ್ನಲಾದ ಸಮೀಪದ ಕಳಂಜಿಮಲೆಯ ಬಕಾಸುರ ಗುಹೆ, ಭೀಮ- ಬಕಾಸುರ ಕದನದಲ್ಲಿ ಬಕಾಸುರನ ಅವಯವಗಳಾದ ತಲೆ, ಕಣ್ಣು, ಕೈ, ಬಾಯಿ ಹೋಗಿ ಬಿತ್ತೆನ್ನಲಾದ ಜಾಗಗಳಿಗೆ ತಲೆಂಗಳ, ಕಣ್ಣೂರು, ಕೈಯೂರು, ಬಾಯಾರು ಎಂದು ಹೆಸರಾದದ್ದು, ಭೀಮ ಸ್ನಾನ ಮಾಡಿದ ಕೆರೆ -ನೆತ್ತರಕೆರೆ ಎಂದು ಹೆಸರಾದ `ದಂತಕತೆ'ಯನ್ನು ಉಸುರುತ್ತಾರೆ.
ಇನ್ನೊಂದು ಪುರಾಣ ಕತೆಯ ಪ್ರಕಾರ ಪಾಂಡವರು ತಮ್ಮ ಸುತ್ತಾಟದ ಸಂದರ್ಭದಲ್ಲಿ ಈ ಪ್ರದೇಶದಲ್ಲಿ ನೆಲೆಸಿದ್ದರು ಎನ್ನಲಾಗುತ್ತದೆ. ತಮ್ಮ ನೆನಪಿಗಾಗಿ ಶಿವನನ್ನು ಸ್ಥಾಪಿಸುವುದಕ್ಕೆ ಮನಮಾಡಿದ ಪಾಂಡವರು ವಾಯುವೇಗದಲ್ಲಿ ಗಮಿಸಬಲ್ಲ ಭೀಮನನ್ನು ಕಾಶಿಗೆ ಕಳುಹಿಸಿ ಲಿಂಗಗಳನ್ನು ತರಲು ನಿಯೋಜಿಸಿದರು. ಭೀಮ ಲಿಂಗಗಳನ್ನು ತರುವಾಗ ತಡವಾದದ್ದರಿಂದ ನಿಶ್ಚಿತ ಲಗ್ನದಲ್ಲಿ ಆತನು ಆಗಮಿಸುವುದಕ್ಕೆ ಮೊದಲೇ ಶಿಲೆಯೊಂದನ್ನು ಪ್ರತಿಷ್ಠಿಸಿ ಪೂಜೆ ನೆರವೇರಿಸಲಾಯಿತು. ಆದರೆ ಭೀಮನು ಆಗಮಿಸಿ ಪ್ರತಿಷ್ಠಾಪಿಸಿದ ಶಿಲೆಯನ್ನು ಕಿತ್ತೆಸೆದು ತಾನು ತಂದ ಲಿಂಗಗಳನ್ನು ಪ್ರತಿಷ್ಠಾಪಿಸಿದನು. ಭೀಮನು ಕಿತ್ತೆಸೆದ ಲಿಂಗವು ವಿಟ್ಲ ದೇಗುಲದ ಬಡಗು ದಿಕ್ಕಿನಲ್ಲಿ ಕೆರೆಯ ಮಧ್ಯೆ ಕಲ್ಲಿನ ಮಂಟಪದಲ್ಲಿ ಈಗಲೂ ಇದೆಯೆಂದು ಹೇಳಲಾಗುತ್ತಿದೆ. ಹೀಗೆ ಈ ಶಿವಲಿಂಗಗಳು ಪಾಂಡವರಿಂದ ಪ್ರತಿಷ್ಠೆಗೊಂಡಿದೆ ಎನ್ನಲಾಗಿದೆ. ನೈವೇದ್ಯಕ್ಕೆ ಬೇರೇನೂ ಇಲ್ಲದೇ ಇದ್ದುದರಿಂದ ಅದಾಗಲೇ ನೈವೇದ್ಯ ಮಾಡಲಾದ ಅನ್ನಕ್ಕಿಷ್ಟು ನೀರು ಚಿಮುಕಿಸಿ ಅದನ್ನೊಮ್ಮೆ ಬೆಂಕಿಗಿರಿಸಿ ತೆಗೆದು ಭೀಮನು ನೈವೇದ್ಯ ಮಾಡಿದನು ಎಂದು ಹೇಳಲಾಗುತ್ತಿದೆ. ಅದೇ ಕಾರಣಕ್ಕೆ ಇಲ್ಲಿನ ಪಂಚಲಿಂಗನಿಗೆ ತಂಗುಳನ್ನದ ನೈವೇದ್ಯ ಇಂದಿಗೂ ನಡೆದುಕೊಂಡು ಬಂದಿದೆ. ಮತ್ತೊಂದು ಐತಿಹ್ಯದ ಪ್ರಕಾರ ಭೀಮನು ಕಾಶಿಗೆ ಹೋದಾಗ ಅವನ ಬೆನ್ನ ಹಿಂದೆಯೇ ಹನುಮಂತನೂ ಹೋದನಂತೆ. ವೇಗದಲ್ಲಿ ಹನುಮಂತ ಹೆಚ್ಚು ಸಮರ್ಥನಾದ ಕಾರಣ ಭೀಮನಿಗಿಂತ ಮೊದಲು ಲಿಂಗವನ್ನು ತಂದು ನಿಶ್ಚಿತ ಸಮಯಕ್ಕೆ ಪ್ರತಿಷ್ಠಾಪನೆ ನಡೆಯಿತು ಎಂದು ಡಾ.ಕೆ.ಅನಂತರಾಮು ಅವರು ಉದ್ಧರಿಸಿದ್ದಾರೆ. ಆದರೆ ಕಿತ್ತ ಲಿಂಗವು ಕೆರೆ ಮಧ್ಯದಲ್ಲಿ ಇದೆ ಎಂದು ಈ ಐತಿಹ್ಯದಲ್ಲಿ ಉದ್ಧರಿಸಿಲ್ಲ ಎಂದು ಡಾ.ಪಾದೆಕಲ್ಲು ವಿಷ್ಣು ಭಟ್ ಲೇಖನದಲ್ಲಿ ಬರೆದಿದ್ದಾರೆ.
ಖ್ಯಾತ ಸಂಶೋಧಕ ಡಾ. ಪಿ. ಗುರುರಾಜ ಭಟ್ ಅವರ ಪ್ರಕಾರ ಪಂಚಲಿಂಗೇಶ್ವರ ದೇವಸ್ಥಾನ ಕ್ರಿ.. 7-8ನೇ ಶತಮಾನದ್ದು. ಕ್ರಿ.. 1257ಕ್ಕೂ ಮೊದಲು ವಿಟ್ಲ ಸೀಮೆಯನ್ನು ಆಳುತ್ತಿದ್ದ ದೊಂಬ ಹೆಗ್ಗಡೆ ಅರಸು ಮನೆತನದ ಆರಾಧ್ಯ ದೈವ ವಿಟ್ಲದ ಪಂಚಲಿಂಗೇಶ್ವರ ಎನ್ನಲಾಗಿದೆ. ಕೇಪುವಿನಲ್ಲಿ ಇರುವ ಉಳ್ಳಾಳ್ತಿ ಗುಡಿಯೂ ಇದೇ ದೊಂಬ ಹೆಗ್ಗಡೆ ಅರಸು ಕುಟುಂಬಕ್ಕೆ ಸೇರಿದ್ದು. `ಬಲ್ಲಾಳ' ಎಂಬುದು ಈ ಅರಸು ಮನೆತನದ ಉಪನಾಮ.

ಲಭ್ಯ ಮಾಹಿತಿಗಳ ಪ್ರಕಾರ
1436, 1477 ಮತ್ತು 1894ರಲ್ಲಿ ದೇವಳದ ಜೀರ್ಣೋದ್ಧಾರ ನಡೆದಿತ್ತು ಎಂದು ಹೇಳಲಾಗಿದೆ. 1928, 1990ರಲ್ಲೂ ಅಲ್ಪಸ್ವಲ್ಪ ಜೀರ್ಣೋದ್ಧಾರ ನಡೆದಿತ್ತು.
ಈ ಮಧ್ಯೆ ಅರಸು ಮನೆತನಕ್ಕೆ ಸಂಕಷ್ಟದ ದಿನಗಳು ಎದುರಾದ ಹಿನ್ನೆಲೆಯಲ್ಲಿ ದೇವಸ್ಥಾನ ಜೀರ್ಣವಾಗುತ್ತಲೇ ಹೋಯಿತು. ಇಂತಹ ಸಂದರ್ಭದಲ್ಲಿ 2001ರಲ್ಲಿ ಭಕ್ತಾದಿಗಳು ದೇವಸ್ಥಾನದ ಜೀರ್ಣೋದ್ಧಾರ ಕೈಂಕರ್ಯಕ್ಕೆ ಕೈಹಾಕಿದರು.

ಧರ್ಮಸ್ಥಳದ ಧರ್ಮಾಧಿಕಾರಿ ಡಾ
. ಡಿ. ವೀರೇಂದ್ರ ಹೆಗ್ಗಡೆ ಗೌರವಾಧ್ಯಕ್ಷತೆಯಲ್ಲಿ ರೂಪುಗೊಂಡ ದೇವಸ್ಥಾನ ಜೀರ್ಣೋದ್ಧಾರ ಸಮಿತಿ ಪೇಜಾವರದ ವಿಶ್ವೇಶ ತೀರ್ಥ ಶ್ರೀಪಾದರು, ಹೊಸನಗರ ರಾಮಚಂದ್ರಾಪುರ ಮಠದ ರಾಘವೇಶ್ವರ ಭಾರತೀ ಸ್ವಾಮೀಜಿ, ಒಡಿಯೂರಿನ ಗುರುದೇವಾನಂದ ಸ್ವಾಮೀಜಿ, ಶ್ರೀ ಧಾಮ ಮಾಣಿಲದ ಮೋಹನದಾಸ ಪರಮಹಂಸ ಸ್ವಾಮೀಜಿ ಮತ್ತಿತರ ಯತಿಗಳ ಮಾರ್ಗದರ್ಶನದಲ್ಲಿ ಮುನ್ನಡೆಯಿತು.




ಜೀರ್ಣೋದ್ಧಾರದ ಸಮಗ್ರ ಯೋಜನೆ
2002ರಲ್ಲಿ ರೂಪುಗೊಂಡು 2007ರವರೆಗೆ ನಿಧಿ ಸಂಗ್ರಹ ನಡೆಯಿತು. ವಿಟ್ಲ ಸೀಮೆಯ 16-17 ಗ್ರಾಮಗಳ ಮನೆ ಮನೆಯಿಂದಲೂ ದೇಣಿಗೆ ಹರಿದು ಬಂತು. ಜೊತೆಗೆ ವಿಟ್ಲದಿಂದ ಹೊರಹೋಗಿ ನೆಲೆಸಿದ ವ್ಯಕ್ತಿಗಳು ಅವರ ಮಿತ್ರರು, ಬಂಧುಗಳ ಮೂಲಕ ವಿಶ್ವಾದ್ಯಂತದಿಂದ ಕಾಣಿಕೆಯ ಪ್ರವಾಹ ಹರಿಯಿತು.2007ರ ಜನವರಿ 27ರಂದು `ಬಾಲಾಲಯ' ಉದ್ಘಾಟನೆ, ನಂದಿ (ಬಸವ) ಮೂಲಕ ಕಳಸವನ್ನು ಕೆಳಕ್ಕೆ ಎಳೆಯುವುದರೊಂದಿಗೆ ಜೀರ್ಣೋದ್ಧಾರ ಕಾರ್ಯಕ್ಕೆ ನಾಂದಿ. ಒಂದೇ ದಿನದಲ್ಲಿ ಸಹಸ್ರಾರು ಭಕ್ತರು ಮೂರು ಅಂತಸ್ತಿನ ಛಾವಣಿಯನ್ನು ಬಿಚ್ಚಿದರು. ಮುಂದಿನ 9 ದಿನದಲ್ಲಿ ಅಲ್ಲಿ ಉಳಿದಿದ್ದುದು ಅಡಿಪಾಯದ ಸ್ಥಳ ಮಾತ್ರ. ಅಂದಿನಿಂದ ಆರಂಭವಾದ ದೇಗುಲ ಪುನರ್ ನಿರ್ಮಾಣದ ಕಾರ‌್ಯ ನಿರಂತರವಾಗಿ 5 ವರ್ಷಗಳ ಕಾಲ ಮುಂದುವರೆಯಿತು. ಬೃಹದಾಕಾರದ ದೇವಾಲಯದ ಹೊರಗಿನ ಗೋಡೆಯಲ್ಲಿ 421 ಕೆಂಪು ಕಲ್ಲುಗಳ 42 ಸಾಲು, ಒಳಗಿನ ಗೋಡೆಯಲ್ಲಿ 421 ಕೆಂಪು ಕಲ್ಲುಗಳ 52 ಸಾಲು ಹೊರಭಾಗಕ್ಕೆ ಸಂಪೂರ್ಣವಾಗಿ ಶಿಲಾಮಯ ಗೋಡೆ. ಈ ಶಿಲೆಗಳಲ್ಲಿ ಸುಂದರ ಕೆತ್ತನೆ. `ಕೊಡಿಮರ' ಎಂದು ಕರೆಯಲಾಗುವ ಬೃಹತ್ ಧ್ವಜಸ್ಥಂಭವನ್ನು ದೀರ್ಘಕಾಲದ ಬಾಳಿಕೆಗಾಗಿ ಎಳ್ಳೆಣ್ಣೆಯ ತೊಟ್ಟಿಯಲ್ಲಿ ಮುಳಗಿಸಿ ಇಡಲಾಗಿತ್ತು ಇದಕ್ಕೆ ಭಕ್ತಾದಿಗಳೆಲ್ಲರೂ ದೇಣಿಗೆ ಅರ್ಪಿಸಿ ಎಳ್ಳೆಣ್ಣೆ ಎರೆದದ್ದು, ದೇವಾಲಯಕ್ಕೆ ಬಳಸಿದ ಮರಗಳಿಗೆ ಪರ್ಯಾಯವಾಗಿ ಸಹಸ್ರಾರು ಸಸಿಗಳು ವಿಟ್ಲ ಸೀಮೆ ಪರಿಸರಲ್ಲಿ ವಿತರಿಸಿ ನೆಟ್ಟದ್ದು ಸದಾಕಾಲ ನೆನಪಿನಲ್ಲಿ ಉಳಿಯುವ ಘಟನೆಗಳಾದವು.
ಐದು ಲಿಂಗ ಏಕೆ?


ಪಂಚಲಿಂಗೇಶ್ವರ ದೇಗುಲದ ಈ ಐದು ಲಿಂಗಗಳು ಪಂಚತತ್ವಗಳ ಸೂಚಕ. ಸದ್ಯೋಜಾತ, ವಾಮದೇವ, ಅಘೋರ, ತತ್ಪುರುಷ, ಈಶಾನ ಎಂಬ ಶಿವನ ಪಂಚಸ್ವರೂಪಗಳು ಭಾರತೀಯ ಪರಂಪರೆಯಲ್ಲಿ ಶಾಶ್ವತವಾಗಿ ಮಿಳಿತಗೊಂಡ ಪಂಚತತ್ವಗಳನ್ನು ಪ್ರತಿನಿಧೀಕರಿಸುವ ಮೂರ್ತ ಸ್ವರೂಪಗಳು. ಸದ್ಯೋಜಾತನಾಗಿ ಮೂಲಾಧಾರ(ಭೂಮಿ), ವಾಮದೇವನಾಗಿ ಸ್ವಾಧಿಷ್ಠಾನ(ಜಲ), ಅಘೋರನಾಗಿ ಮಣಿಪು (ಅಗ್ನಿ), ತತ್ಪುರುಷನಾಗಿ ಅನಾಹತ(ವಾಯು), ಈಶಾನನಾಗಿ ವಿಸುದ್ಧ(ಆಕಾಶ) ತತ್ವಗಳನ್ನು ಪ್ರತಿನಿಧೀಕರಿಸುವುದು. ಪ್ರಕೃತಿಯ ಶಕ್ತಿಸೆಲೆಗಳಾದ ಪಂಚಭೂತಗಳಲ್ಲಿ ಪರಮೇಶ್ವರನನ್ನು ಪ್ರಮಾಣೀಕರಿಸಿ ಶಿರಬಾಗಿ ಉಪಾಸನೆಯನ್ನು ಸಲ್ಲಿಸುವ ಪದ್ಧತಿ ಇಲ್ಲಿದೆ.
ದೇವಸ್ಥಾನದ ಗರ್ಭಗುಡಿಯೂ ಅಷ್ಟೇ ವಿಶಿಷ್ಟವಾದದ್ದು. ಅವಿಭಜಿತ ದಕ್ಷಿಣ ಕನ್ನಡ ಹಾಗೂ ಕೇರಳದಲ್ಲಿ ಇರುವ ದೇವಾಲಯಗಳದು `ಗಜಪೃಷ್ಠಾಕೃತಿಯ' ಶೈಲಿ. ಮುಖಮಂಟಪಗಳೂ ಗರ್ಭಗುಡಿಗೆ ಹೊಂದಿಕೊಂಡಿರುವುದು ಇದರ ವಿಶೇಷತೆ. ಗರ್ಭಗುಡಿಯ ಹಿಂಭಾಗ ಆನೆಯ ಹಿಂಭಾಗದಂತೆ ಇರುವುದರಿಂದ ಈ ಹೆಸರು. ಈ ಪರಿಸರದಲ್ಲಿ ಇಷ್ಟೊಂದು ಬೃಹತ್ತಾದ ಗಜಪೃಷ್ಠ ಗರ್ಭಗುಡಿಯ ದೇವಾಲಯ ಬೇರಾವುದೂ ಇಲ್ಲ. ಗಣಪತಿ, ಅಮ್ಮನವರ ಗುಡಿ, ಕುಂತೀಶ್ವರ ಗುಡಿ ಇವು ದೇವಾಲಯ ಪ್ರಾಂಗಣದಲ್ಲೇ ಇರುವ ಇತರ ಗುಡಿಗಳು.

ಧರ್ಮಸ್ಥಳವಿಟ್ಲದ ಬಾಂಧವ್ಯ


ವಿಟ್ಲ ಮತ್ತು ಧರ್ಮಸ್ಥಳಕ್ಕೆ ಅವಿನಾಭಾವ ಸಂಬಂಧ ಉಂಟು. ಧರ್ಮಸ್ಥಳದ ಧರ್ಮಾಧಿಕಾರಿಯಾಗಿದ್ದ, `ಮಾತನಾಡುವ ಮಂಜುನಾಥ' ಎಂದೇ ಖ್ಯಾತರಾಗಿದ್ದ ದಿವಂಗತ ಮಂಜಯ್ಯ ಹೆಗ್ಗಡೆ ವಿಟ್ಲದವರು. ಇದನ್ನು ನೆನಪಿಸಿಕೊಂಡ ಈಗಿನ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆ ಅವರು `ಮಂಜುನಾಥ'ನ ಪ್ರೇರಣೆಯಿಂದ ವಿಟ್ಲ ಪಂಚಲಿಂಗೇಶ್ವರ ದೇವಸ್ಥಾನಕ್ಕೆ ಮೂರು ಕಳಸಗಳನ್ನು ಧರ್ಮಸ್ಥಳದ ವತಿಯಿಂದ ನೀಡಿದರು. ಈ ಮೂರು ಸ್ವರ‌್ಣ ಲೇಪಿತ ಬೆಳ್ಳಿ ಕಳಸಗಳಿಗಾದ ವೆಚ್ಚ ಬರೋಬ್ಬರಿ 1.20 ಕೋಟಿ ರೂಪಾಯಿಗಳು. ಇಡೀ ದೇವಸ್ಥಾನದ ಜೀರ್ಣೋದ್ಧಾರ ಹೆಗ್ಗಡೆ ಅವರ ಗೌರವಾಧ್ಯಕ್ಷತೆಯಲ್ಲೇ ನಡೆದದ್ದು ಮತ್ತೊಮ್ಮೆ ವಿಟ್ಲ-ಧರ್ಮಸ್ಥಳದ ಅವಿನಾಭಾವ ಸಂಬಂಧವನ್ನು ಗಟ್ಟಿಗೊಳಿಸಿತು.
ಚಿತ್ರಗಳು:
1) ಪುನರ್ ನಿರ್ಮಿತ ದೇವಾಲಯದ ಮುಂಭಾಗ.
2) ಹೊರೆ ಕಾಣಿಕೆ.
3) 
ಬ್ರಹ್ಮಕಲಶ ಸಂಭ್ರಮ.
4) ಹೊರೆ ಕಾಣಿಕೆ.

5) ನಂದಿಯಿಂದ ಕಳಸ ಎಳೆಯಿಸುವ ಮೂಲಕ ಜೀರ್ಣೋದ್ಧಾರ ಕಾರ್ಯಕ್ಕೆ ಚಾಲನೆ
. ಹಿಂಭಾಗದಲ್ಲಿ ಹಿಂದಿದ್ದ ದೇವಸ್ಥಾನದ ಹಿಂಭಾಗದ ದೃಶ್ಯ.
6) ತೈಲದ ತೊಟ್ಟಿಯಲ್ಲಿ ನೂತನ ಧ್ವಜಸ್ಥಂಭ.
7) ಪುನರ್ ನಿರ್ಮಿತ ದೇವಾಲಯ, ಪುಷ್ಕರಣಿಯ ವಿಹಂಗಮ ನೋಟ.
8) ಪ್ರಜಾವಾಣಿಯಲ್ಲಿ 22-01-2013ರ ಮಂಗಳವಾರ ಕರ್ನಾಟಕ ದರ್ಶನದಲ್ಲಿ ಪ್ರಕಟವಾದ ಲೇಖನ.

-
ನೆತ್ರಕೆರೆಉದಯಶಂಕರ

ಚಿತ್ರಗಳು
ಸದಾಶಿವ ಬನ `ಶಿಲ್ಪಿ ವಿಟ್ಲಮತ್ತು ಯಶು ವಿಟ್ಲ.


Guest Book .. Entirely for You..!

Visit over?..See.. Now you became a Twinkle Star !